erran.eus

Plazaola aldizkariko azal lehiaketako lanak ekainaren 22a bitarte bidal daitezke

  Gizartea  Leitzaldea  Leitza

Testuak, berriz, ekainaren 30era arte jasoko dituzte

Plazaola aldizkariko azal lehiaketa martxan da dagoeneko. Lanak ekainaren 22a bitarte aurkez daitezke, Aurreran edo Maimurren eta horien erakusketa eta bozketa Sanjuan bezperan egingo dute.

Plazaola aldizkariko azal lehiaketako lanak ekainaren 22a bitarte bidal daitezke
Joan den urteko pestak iragarri zituen kartela | Ikusi handiago | Argazki originala

Oinarriak

Parte-hartzaile bakoitzak nahi adina lan, estilo eta teknika librean, aurkez ditzake. Gutxienez, A3 tamaina izan beharko dute. Era berean egiletzaren ordez izengoiti edo izenburu baten bidez izendatuko dira lanak (egilearen izen-abizenak gutunazal itxi batean aurkeztuz). 16 urtetik beherakoen lanek "Plazaola - Leitzako aldizkaria - 40.zenbakia" testua beharko dute; 16tik gorakoek "Leitza 2018 - Tiburtzio Donearen Pestak - 40.zenbakia".

Testuak

Azalak ez ezik, testuak prestatzen hasteko garaia ere iritsi denez Aurrera Kultur Elkarteak sormen lanak beren emailera bidaltzeko deia egin dute (aurrerake@hotmail.com). Horrela bada, herritarrei burutazioak, kezkak, istorioak, txisteak, aldarrikapenak, olerkiak, eskertzak, ateraldiak, bertsoak edota bestelako sormen lanak bidaltzeko deia ere luzatu diete. Testuak aurkezteko azken eguna ekainaren 30a, larunbata, izango da.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa