Goizuetako ikastetxeak ez ezik, Iruñeko IES Basokok eta Teresianas eskolak, Paz de Ziganda ikastolak, Zizur Nagusiko Miravallesek eta Tuterako IES Valle del Ebrok ere jaso dute saria. Besteak beste, homofobia, erlijioa, desgaitasuna, natura eta sare sozialak izan dira ikasleek landutako gaiak. Guztira 18 eskoletako 108 taldek (432 ikasle eta 26 irakaslek eman zuten izena, eta horietatik 15 zentrok bidali zituzten beraien lanak.
Goizuetako Andres Narbarte Xalto ikastetxeko hiru ikasleren lana saritu dute
Goizuetako Andres Narbarte Xalto ikastetxeko hiru ikaslek Diario de Navarra Fundazioak antolatutako Kazetaritza Lehiaketako saria irabazi dute. Zehazki, Goizuetako Paula Etxeberria eta Uxue Rodrigezen eta Aranoko Eneritz Salaberriaren lana izan da saritua lehiaketaren bosgarren edizioan. Ibai Garcia irakaslearen ideia gauzatu eta naturarekiko errespetuari buruzko lana egin zuen hirukoteak. Besteak beste, blog bat sortu eta bideo bat editatu behar izan zuten. Joan den maiatzaren 23an jaso zuten saria.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun