Leitzako Anikote Kirol Elkarteak udako kirol eskaintza atera berri du

Leitzako Anikote Kirol Elkarteak udako kirol eskaintza atera berri du
Kirol eskaintza zabala prestatu du Anikotek astelehenetik ostegunera bitarte, 09:30etik 21:00etara

Izen-ematea maiatzaren 24tik 30era bitarte egonen da zabalik

Leitzako Anikote Kirol Elkarteak udako kirol eskaintza atera berri du. Aurtengo ekain eta uztailean honako saio hauek eskainiko ditu: tonifikazioa, total training, ciclo-tonic, yoga, pilates, zirkuitu gidatuak eta gaztetxoentzat jolasak. Saioak astelehenetik ostegunera, 09:30etik 21:00etara izango dira.

 

Izen-ematea, maiatzaren 24tik 30era bitarte dago zabalik, kiroldegian. Zehazki, maiatzaren 24an eta 25ean dagoeneko beste jardueretan apuntatuta daudenek; 26an, 27an eta 28an apuntatuta ez egonagatik, kiroldegiko bazkide direnek eta 29an eta 30ean bazkide ez direnek eman ahalko dute izena. Ikastaroen prezioak, batetik bestera eta bazkide izan edo ez izan, aldakorrak dira.