Giro ederra izan dute Kirol Egunean, Leitzan

Ttipi-Ttapa 2018ko mai. 22a, 06:30

Kultur Aroaren harira maiatzaren 19an, larunbatean, kirolarien hitzordua izan zuten Leitzan. Goizean goiz, bederatzi urtetik gorakoek mendi irteera edo BTT irteera izanen zituzten aukeran. Ondotik, lau eta bederatzi urte bitartekoek joko eta jolasez gozatu zuten.

Eguerdian bederatzi eta hamasei urtekoek herri kirol erakustaldia eskaini zuten eta goiz osoan, herriko gaztetxoak joko tradizionaletan, puzgarrietan eta eskaladan ibili ahal izan ziren. Arratsaldean, berriz, helduek hartu zuten lekukoa. Total Training eta Ciclo-Tonik erakustaldiak izan ziren ikusgai, hurrenez hurren.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun