012 telefonora deituz eman daiteke izena
Udalak eta Gizarte Zerbitzuen Mankomunitateak, euskara zerbitzuarekin eta Nafarroako Gobernuarekin elkarlanean, Haur Hezkuntzako eta Lehen Hezkuntzako ikasleentzat, haur txokoa eta udako tailerrak antolatu dituzte Leitzan.
Ikas-mailaren araberako bi talde sortuko dituzte eta lau txanda eskainiko dituzte aukeran: ekainak 25-29, uztailak 2-6, 9-13 eta 16-20, zehazki. Maiatzaren 25etik ekainaren 1era bitarte eman daiteke izena. 012 telefonora deituz datuak eman eta ordaindu beharrekoa adieraziko dute. Plazak mugatuak izaki, herritarrak lehenetsiko dira, eta izen-emate hurrenkerari erreparatuko zaio.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.