Kirol Eguna izanen dute Leitzan, maiatzaren 19an

Kirol Eguna izanen dute Leitzan, maiatzaren 19an
Kirolarekin lotutako jarduerak izanen dituzte larunbatean Leitzan.

Besteak beste, larunbatean 09:00etan gaztetxoen mendi irteera  eta 17:00etan helduen Total Training erakustaldia izanen dituzte

Kultur Aroaren harira maiatzaren 19an, larunbatean, kirolarien hitzordua izanen dute Leitzan. Goizean kiroldegi eta eskola eremuan ibiliko dira gaztetxoak; arratsaldean, berriz, helduek hartuko dute lekukoa. 

 

09:00etan bederatzi urtetik gorakoek mendi irteera edo BTT irteera izanen dituzte aukeran. Ondotik, 10:30ean, lau eta bederatzi urte bitartekoek joko eta jolasez gozatuko dute. 12:00etan bederatzi eta hamasei urtekoek herri kirol erakustaldia eskainiko dute eta goiz osoan, herriko gaztetxoak joko tradizionaletan, puzgarrietan eta eskaladan ibili ahalko dira.

Arratsaldean, berriz, helduek hartuko dute lekukoa. 16:30ean eta 17:00etan Total Training eta Ciclo-Tonik erakustaldiak izanen dira ikusgai, hurrenez hurren. 17:30ean, Gap-core eta Combat  jarduerak izanen dira. Parte-hartzea irekia izanen da.