erran.eus

Mugikortasunari begira hainbat neurri hartuko dituzte Leitzan

  Gizartea  Leitzaldea  Leitza

Maiatzean jarriko dira martxan, leitzarren ongizatea, irisgarritasuna, jasangarritasuna eta segurtasuna bermatzeko

Leitzako Udalak herritarren ongizatea bermatzeko eta guztientzako irisgarria, jasangarria eta segurua den Leitza eraikitzeko, mugikortasun arloko hainbat neurri hartuko ditu. Ez da atzotik gaurrera harturiko erabakia. Izan ere, iazko azaroan mugikortasunaren gaia modu parte-hartzailean abiatzeko proposamena egin zuten. Beraien hitzetan, «emaitzak ez dira esperotakoak izan baina entzundakoak kontuan hartuz diseinatu ditugu neurriak». 

Mugikortasunari begira hainbat neurri  hartuko dituzte Leitzan
Trafikoari begira ohitura txarrak uzteko abisuak jarriko ditu Udalak. | Ikusi handiago | Argazki originala

 

Hiru lan ildo

Mugikortasunari begira abiatuko dituzten neurriek hiru ildo dituzte: trafikoa, irisgarritasuna eta segurtasunari lotuak, alegia. Hala, herritarren ongizatea lortu nahi dute. Horretarako, trafikoari begira ohitura txarrak uzteko abisuak jarri, inguruko kaleak urbanizatu, espaloiak moldatu eta mugikortasun mugatua dutenak erosoago ibiltzeko moduan jarriko dituzte. Era berean, eskola inguruko arrisku egoerak «kezka handia» eragiten dienez, Nafarroako Gobernuarekin kudeatzen saiatu dira. Azkenean, eskola inguruko segurtasuna Udalak, bere kabuz, moldatuko du. Azken batean, herriko trafiko arazoak moldatzea, oinezkoentzako espazio faltari irtenbidea ematea, oztopo arkitektonikoak ezabatzea eta oinezkoen segurtasuna bermatzea izanen dute lehentasun. Horrekin, «EH Bilduren programan urrats bat aurreratuko dugu» diote. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa