Maiatzaren 25ean eta 26ean dute tailerra eta hilaren 20a bitarte eman daiteke izena
Leitza, Goizueta, Areso eta Aranoko Gizarte Zerbitzuen Mankomunitateak heldu den maiatzaren 25ean eta 26an, ostiral (17:00etatik 21:00etara) eta larunbatean (09:30etik 13:30era), hamalau urtetik gorako emakumeentzat Autodefentsa Feminista Tailerra antolatu du. Saioa debalde eskainiko da, Goizuetako udaletxean.
Besteak beste, feminismoa, erresilientzia, ahizpatasuna, ahalduntzea, eskubideak eta ongizateari buruzko zenbait gako mahairatuko dituzte. Izen-ematea maiatzaren 20a baino lehen egin beharko da 948 510840 telefonora deituz edo 674 086926 zenbakira Whatsapp bat idatziz.