Goiz osoan taloak dastatzeko eta artisauen lanak ikusteko aukera izanen da
Maiatzaren 6an, igandean, Natur Bideen Eguna izanen dute Leitzan. Jai honen helburu nagusia, antzinako trenbideen bideak berreskuartu eta natur bideak sustatzea da. Leitzako plazatik eta Lekunberritik (10:30ean eta 09:00etan, hurrenez hurren) abiatuta, oinezkoentzat ibilaldia izanen da. Geltokian elkartuko dira, pintxo eta edariak dastatzeko eta goizeko ekitaldiez gozatzeko.
12:00etan gaztetxoek belozipedoetan ibiltzeko aukera izanen dute; haurrek, berriz, eskulanak egin ahalko dituzte. 13:00etan Ederbidea proiektuari eta Leitzako geltokiari buruzko aurkezpena izanen dute. Goiz osoan artisau lanak ikusi eta taloak erosteko aukera izanen da.