erran.eus

Aresoko Udalak, Hirigintza Planaren harira, bilerak antolatu ditu

  Gizartea  Leitzaldea  Areso

Bilerak maiatzaren 2an, 9an eta 16an izanen dira, 18:30ean

Hirigintza Planeko lehenbiziko fasea ixten joateko parte-hartze prozesua abiatu du Udalak. Parte-hartze prozesu horren bidez herriak etorkizunera begira zer hazkunde eredu izan behar duen eztabaidatzea dute helburu. Horrela bada, hiru proposamen jarri ditu Udalak mahai gainean: hazkundea bultzatzea, mantentzea edo erdibideko zerbaiten bila jotzea.

Aresoko Udalak, Hirigintza Planaren harira, bilerak antolatu ditu
Udalak herritarrei bileretara joateko deia egin die | Ikusi handiago | Argazki originala

Maiatzeko lehenengo hiru asteazkenetan izanen dituzte bilerak; maiatzaren 2an, 9an eta 16an, zehazki. 18:30etan dute hitzordua eta udaletxean bilduko dira.


Azalpen orokorretatik xehetasunetara
Aipatu bezala, herritarrek Hirigintza Planean esku har zezaten, hiru bilera antolatu zituen Udalak. Lehenengo bileran Hirigintza Planaren inguruko azalpen orokor bat ematea eta herriak dituen behar, arazo… nagusiez hitz egitea aurreikusi dute. Bigarren saiorako, maiatzaren 9korako, berriz, hiru zati jorratzea dute buruan. Hasteko landako lurjabeekin elkartuko da Udala; gero herrian lurrak dituztenekin; eta bukatzeko gazteekin edo etxebizitza bat lortzeko interesa dutenekin. Era berean parte-hartze prozesuri  bukaera emateko, plazaren ondoan dauden lursailekin zer egin daitekeen ere aztertuko dute.


Herritarrek parte hartzeko deia egin dute
Bileretan herriaren etorkizunaren inguruko erabakiak hartuko dituztenez, lerro hauen bidez herritarrei parte hartzeko deia luzatu nahi izan die Udalak.

2018/05/02 - 2018/05/16

Udaletxea | Leitza

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa