erran.eus

V. Goizutrail lasterketa maiatzaren 19an eginen dute Goizuetan

  Kirola  Leitzaldea  Goizueta

10,6 eta 25,2 kilometrotako ibilbideak dituzte aukeran

Bi ibilbide izanen ditu aukeran Goizutrail mendi lasterketaren bosgarren edizioak maiatzaren 19an: bata 10,6 kilometrotakoa; eta bestea 25,2 kilometrotakoa. Herriko plazan hasiko dira bi ibilbideak 09:00etan, Aitasemegi auzora igoko dira korrikalari guztiak xenda estu batetik, 680 metrotara dagoen Eneko Elorriko bizkarrera igoko dira.

V. Goizutrail lasterketa maiatzaren 19an eginen dute Goizuetan
Mandoegi ingurutik ibilia dira korrikalariak. | Ikusi handiago | Argazki originala

 

Ibilbide laburrekoak, Aitasemegi auzotik herrira jautsiko dira Espideko sorotik pasatuz. Luzea aukeratzen dutenek, ordea, Alkainzuriain auzotik Mandoegira (1.045 metro) igo beharko dute. Ondoren Mandoegiko gailurretik jarraituko du ibilbideak harrespilen artean eta bukatzeko berriz ere herriko plazara jautsiko dira.

Izen-ematea

Izen-ematea zabalik dago www.herrikrosa.eus webgunean bezpera arte eta egunean berean plazan ere egin daiteke. Aurretik, ibilbide luzerako 20 euro (15 euro herritarrek) eta 15 euro ibilbide laburrerako (10 euro herritarrek); eta egunean berean, 25 euro ibilbide luzerako (20 euro herritarrek) eta 20 euro laburrerako (15 euro) ordaindu behar dira.

2018/05/19 09:00

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa