erran.eus

Iñigo Dorronsoro leitzarra Nafarroako errepide txirrindularitzan txapeldun izan da, master40 mailan

  Gizartea  Leitzaldea  Leitza

Iñigo Dorronsoro leitzarra Nafarroako errepide txirrindularitzan txapeldun izan da, master40 mailan Iñigo Dorronsoro, Nafarroako txapelduna | Ikusi handiago | Argazki originala

Transbidasoa-Euromaster-Inurrieta taldeko Iñigo Dorronsoro leitzarra, Master40 mailan, Nafarroako txapeldun izan da Erriberrin ospatutako lasterketan. Beti-Gazte KJKE taldeko txirrindularia 11. izan da helmugan Espainiako koparako puntuagarria eta aldi berean Nafarroako txapelketa izan den froga horretan, nafarren artean hoberena izan delarik.

Lasterketa laua izan arren, maila handiko berrehun lagun bildu dira Erriberrin, haizea eskasa izan da eta hori dela eta, La Blanca mendatera guztiak oso osorik iritsi dira. Momentu horretan kanpotik etorritako talde sendoek izugarrizko erritmoa jarri dute eta berrogei laguneko taldea iritsi da Erriberriko gaztelu ingurura, hor  Iñigo Dorronsoro guztiei aurre hartzen saiatu da, baina lortu ez duen arren 11. postua eskuratu du; txapela eman dion postua.

Besteak beste, Transbidasoa-Inurrieta-Euromaster taldeko Jabier Ariztimuño leitzarra 81., Peio Lizartza leitzarra 83., Iñigo Lizartza leitzarra 84, Juan Jesús Irigaray 112., Txutxin Fernández 125, eta Luziano Mitxelena lesakarra hurrengo taldetxotan helmugaratu dira. Erreka KE taldeko Iñigo Arregi doneztebetarra 93., Jon Marichalar sunbildarra 104. eta Imanol Etxeberria arizkundarra 138. izan dira.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa