erran.eus

Patziku Perurena idazlearen enegarren ikerlana aurkeztuko dute apirilaren 17an Leitzan

  Kultura  Leitzaldea  Leitza

Leitzalarreko unaiak, 1683-1771 ikerketa lanaren berri emanen du astearte arratsaldeko zazpietan Udaletxeko batzar aretoan

Leitzalarreko unaiak, 1683-1771 izenburua du Patziku Perurena idazle goizuetarrak buruturiko azken ikerlana, azpi-izenbururik ere baduena: Zezenak plazan Goizuetan eta Leitzan, 1578-2017. Lanaren funtsa, nolanahi ere, zera da: argi adieraztea ardia Leitzalarreko sarobeetan nagusitu aurretik, XVII eta XVIII. mendeetan Leitzalarreko sarobeetako bazka behiek egiten zutela.

Patziku Perurena idazlearen enegarren ikerlana aurkeztuko dute apirilaren 17an Leitzan
Patziku Perurenaren azken liburua, 'Leitzalarreko unaiak, 1683-1771' aurkeztuko dute astearte arratsaldean Leitzan. | Ikusi handiago | Argazki originala

 

Euskal Herriaren iruditerian ongi finkatuta daukagu artzainaren eta artaldearen irudia gure mendi eta larreetan barrena, antzinako gizartearen ia funtsezko ogibide gisa. Leitzalarreko unaiak liburu honetan, ordea, Patziku Perurenaren tesi ausart bezain agiriz ongi hornitua aurkezten dugu, non argi eta garbi azaltzen den  Leitzalarreko sarobeetan garai batean ez zirela ardiak bazkatzen, behiak baizik, nola Leitza bertakoak hala inguru herrietakoak, edo Baztandik zein Gipuzkoako Beterritik ekarritakoak ere, eta ardia oso berandu arte ez zela sartu hemen, askok menderen mendetatik bertakoa zela uste izan arren...

Ikerlerro hori ardatz hartuta, Perurenak, ohi duen bezain zehatz eta naro, behiak eta ondorioz zezenak Leitzaran/Urumea aldeko herriotan izan duen garrantzia erakusten du, nola eguneroko bizimoduan hala ospakizun giroan ere. Horretarako, datu historikoak, etnografikoak zein filologikoak azterkizun bihurtzen ditu Patzikuk, bere buruari etengabe kontu eskatzen dionaren zorroztasunaz.

Ikerketa hau burutu ahal izateko Patziku Perurenak 2011. urtean irabazitako I Manuel Larramendi Ikerketa Saria baliatu du.

Ikerlanaren aurkezpena apirilaren 17an izango da, asteartearekin, arratsaldeko zazpietan hasita (19:00) Leitzako Udaletxeko batzar aretoan. Aurkezpena amaiturik liburua salgai izango da bertan, baita liburudenda nagusietan ere. Eskatu ahal izango da ere bazkuna@larramendi.org helbidera idatzita.

2018/04/17 19:00

Leitzak udaletxea Leitzaldea Leitza

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa