Hitzarmen horren bidez, Leitzako herriak Gobernuko Alokairu Poltsaren laguntzaile aitortu du bere burua. Hala, Udalak, egoki deritzen ekimenen bidez, NASUVINSAk kudeatzen duen programari buruzko informazioa zabaltzeko konpromisoa hartu du. Horrekin batera, etxebizitza hutsak atzeman eta etxejabeei okupazio eraginkorra egiteko alternatibak eskainiko dizkie, etxebizitza eskaintzaileei erraztasunak eskainiz.
NASUVINSAk zerbitzua martxan jarri aurretik, Udalean ardura hartuko duen langilegoari gaiaren inguruko araudia azaldu eta beharrezkoa duten informazio-euskarriak emateko ardura hartu du. Udalak zerbitzua aste gutxiren buruan martxan jartzeko eta etxebizitza errenta eta eskatzaile gestioak udal bulegoetan egiteko asmoa du.