Saioak ongi antolatu ahal izateko, antolatzaileek izena emateko deia egin dute. Horrela bada, saio horietan parte hartu nahi dutenek bertakoproduktuakleitza@gmail.com helbidera idatzi beharko dute,beren izen-abizenak, kontaktua eta saio bat edo gehiagora joanen diren adieraziz.
Martxoaren 22an, 15:30etatik 18:00etara elikagaien inguruko legedi higieniko sanitarioa eta fiskala izanen dituzte hizpide INTIAren eskutik, elikagai bakoitzaren salmenta-bideen betebeharrei erreparatuko dietelarik.
Bigarren saioan, apirilaren 5ean, Mirian Otxotorena eta David Ruiz, EHNEko kideak, izanen dira hizlariak eta legedi higieniko sanitarioaren malgutasuna eta salmenta zuzenaren legeari buruzko alderdiak landuko dituzte. Azkenik, maiatzaren 3an, arratsaldeko 16:30etatik 19:30etara bitarte, Mirene Begiristain, EHUko irakasleak, salmenta bide laburrei buruzko kontuak mahairatuko ditu.