erran.eus

Leitza kontsumituz elkarteak 2017ko lana baloratu eta lan ildoen jarraipena adostu du batzarrean

  Gizartea  Leitzaldea  Leitza

Elikadura burujabe­tza­ri dagokionez, hilabeteroko eskaintzen eskaera sistema finkatzearekin batera, asteroko saskien kanpainia eguneratu zuten. Era berean, Errigorako kanpainaren koordinazioarekin eta azaroko Leitza eta Aresoko produktuen azokarekin segitzeaz gainera, egun horretan bertako jatetxeak herriko elikagaiekin eginiko menuak eskaintzera animatuko zituztela erabaki zuten.

Leitza kontsumituz elkarteak 2017ko lana baloratu eta lan ildoen jarraipena adostu du batzarrean
Batzarrean hainbat alor jorratu zituzten | Ikusi handiago | Argazki originala

 

Halaber, eskolako jantokian gaia jo­rratzen segiko zutela ere adierazi zuten, aurten trasgenikoei helduko dietelarik.

Energiaz den bezain­batean, argindarraren kontagailua ulertu eta kontsumoa internetez kontrolatzen ikasiko dute, eguneroko kontsumoa gutxitzeko tailerra eginez. Mugikortasun mahaiari babesa eta bultzada emateaz ere aritu ziren. Komunikazio alorrean, webgunea kudeatze­ari dagokionez, gmail zerbitzua eta sare sozialak izan zituzten hizpide.­ Azkenik, ingurugiroari eta berrerabilpenari dagokionez, Atekako gazteekin koordinazioa sustatu nahi dute.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa