Astelehenean, mozorroak baserrietan dauden bitartean, plaza apainduko dute eta eguerdian disfraz eta karrozen kontrapasa eginen dute herrian, Afrika gaiarekin. Helduek bazkaltzen duten bitartean, ttikienek tailerrak eta zinea izanen dituzte Goxalin eta gero txokolatea. Arratsean mozorroak dultzaineroekin etorriko dira herrira eta gero afaria izanen dute.
Asteartean herrian barna ibiliko dira mozorroak eta zahagi dantza dantzatuko dute arratsaldean. Arratsaldez eta gauez musika izanen da Ainara eta Dani Narbarterekin eta mozorroen afaria.
Inauteriak bukatzeko, kontuen eguna izanen dute otsailaren 17an, larunbatarekin. Poteo musikatua izanen dute Igandea txarangarekin eguerdi eta arratsalde partean. Tartean, mozorroen bazkaria.