erran.eus

Txikizioak eragin dituzte Leitzako eskola atzeko ttikientzako aterpean

  Gertaerak  Leitzaldea  Leitza

Guztiona dena zaintzea denon ardura dela gogorarazten dute Udaletxetik 

Leitzako Udalak hainbat gurasorekin batera, eskola atzeko aterpena egokitu zuen auzolanean herriko ttikiek beste jolasgune bat izan zezaten. Urtezaharreko asteburuan txikizioak egin dituzte eta argazkian ageri den bezala azaldu da. 

Txikizioak eragin dituzte Leitzako eskola atzeko ttikientzako aterpean
Hainbat txikizio egin dituzte eskolako atzeko aterpean. | Ikusi handiago | Argazki originala

 

Udaletxetik jakinarazi dutenez, «kalte dezente egon dira: bankuak puskatuta, arropa zintzilikatzeko kakoak, bertan zegoen panela lurrean botata, zaborra alde guztietatik, haurren bizikleta bat txikituta...».

2017 urte hasieran bukatu ziren moldaketak. Udalak 12.000 euroko inbertsioa egin zuen, eta herritarrek hiru auzolan. Guraso talde batek haur txikiek jolasteko estalpe bat eskatu ondoren egin zen. Gainera, eskolako orduetan ere asko erabiltzen dute txikienekin, eguraldi txarra dagoenean batez ere.

Leitzako Udaletxetik diotenez, «herri txikia da eta baliteke azkenik nor izan den jakitea. Horrela bada, egileekin edo hauen gurasoekin hitz eginen dugu (adin txikikoak balira) eta konponbide bat bilatzen saiatuko gara». Bitartean, udal langileak lekua garbitu eta ahal diren konponketak egingo dituzte. Udaletxetik gogorarazi nahi dute «guztiona dena zaintzea denon ardura dela».

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa