Badira hirurogei urte Leitzako etxe eta baserrietako balkoi edo leihoak panpinez apainduak izaten zirela. Panpin horiek emakumezko zein gizonezko, txistulari, arrantzale, ehiztari, jostun, sorgin... izan zitezkeen. Enborra erreta, suaren bueltan pesta egiteko aitzakia ere bilakatu zen Orantzaroaren tradizioa. Alabaina, 50eko eta 60ko hamarkadan, pixkan-pixkan, ohitura galtzen hasi zen, panpinaren lehiaren gainbehera eta ikazkinaren irudiaren indartzearen ondorioz. Azken urteetan, ALKE Kultur Taldeak ohitura horren nondik norakoetan sakondu eta ezagutarazteko lan handia egin zuen. Hala, berriz ere herriko xokoak Orantzaroz apainduak ikus daitezke, eta abenduaren 24an, Orantzoren etorrera, antzerkiz, ospatzen da.