.JPG)
Hainbat herritar gonbidatu dituzte tailer honetan parte hartzera, baina nahi duen edonork parte har dezake. Goizuetako arnasguneen taldeak susmoa du Goizuetan euskaraz hitz egiteko ohiturak aldatzen ari direla: «gaztelera gehiago entzuten dugu lehen baino. Eta, egoera horri aurre nola egin pentsatzen ari gara». Honekin lotuta, erabilera neurketak egin dituzte Goizuetako kaleetan maiatzean eta datu horiek goizuetarren esku daude jada. Goizuetako arnasguneen taldearen esanetan, «datuak izatea ongi dago; hala ere, ohitura aldaketa horren arrazoiak ezagutu nahi ditugu, gazteleraz hitz egiteko joeraz hausnartzeko eta ohitura horiek iraultzeko».
Horregatik egin dute motibazio tailer horretan parte hartzeko gonbidapena, «bakoitzak egindako bidea besteekin konpartitzeko eta egin dezakeguna imaginatzeko».