Abenduaren 3an, igandean, ospakizunik ez da faltako herrian Euskararen Egunaren bueltan. Azken xehetasunak lotzekoak dituzte hau idazterakoan, baina ohikoa denez mahaiaren bueltan bilduta ongi pasatzeko aukerarik ez da faltako.
Bazkal aurrea girotzeko triki-poteoa egiteko asmoa dute baina ibilbidea ez dute oraindik zehaztu. 14:00etan bazkaria izango da Pake Toki elkartean, (menua eta izena non eman behar den datozen egunetan jakinaraziko dute).
Bazkalondoan Panpanoziri aldizkariaren laugarren alea aurkeztuko dute eta garai bateko kontuak astintzen hasita, 17:30ean bideo emanaldi berezia ere izango da, herriko hainbat ospakizun, xelebrekeria… biltzen dituena. Eguna bukatzeko, danbolinak jarriko dituzte dantzan, gaztain jatea egiteko.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.