Goizuetako Euskara Zerbitzuak eta Goizuetako Udalak antolaturiko lehiaketa udaletxeko ganbaran eginen dute, 18:30ean. Hiruko taldeak ibiliko dira aurrez aurre, Goizuetak dituen datu historiko, kultural eta bestelako bitxikeriak arakatzen. Irabazleek, besteak beste, 300 euroko txekea, herriko produktu sorta, kultur ekintzetarako sarrerak jasoko dituzte.
Goizuetako Azaroko Kultur Egunen barrenean, larunbateko lehiaketa baino lehen, azaroaren 17an, ostiralean 18:30ean, udaletxeko ganbaran Zera... Nola esango dizut, bada? antzezlana ikusteko aukera da, Garazi Olaizola eta Teresa Lopez de Munain.