Maingeneko Juanjo Elizaldek eta Basaburuko Ernaitzu Kooperatibak esperientziak azalduko dituzte astearte arratsaldeko 6:30ean Udaletxeko Ganbaran
Goizuetako Etxebizitza Batzordeak sortu zuen etxebizitza eta lokalei buruzko inkestan, etxebizitzaren gaia lantzeaz gain, “Nola hobetu Goizueta bizileku bezala?” gaia ere landu zen. Emaitzetan, batez ere, herrian lan falta zegoela azpimarratzen zen. Gabezi horri erantzuna eman asmoz, Udalak eta Cederna-Garalur elkarteak elkarlanean sortu duten dinamika da “Goizuetan lan eta bizi”. Urte osoan zehar noizean behin egingo diren hitzaldi eta mahai inguruek osatzen dute dinamika hau eta helburua, beste esperientzia batzuetatik ikastea izango da.
Lehenengo hitzordua azaroaren 7an eginen dute, astearte arratsaldean, 6:30ean udaletxeko ganbaran. Hitzaldira bi esperientzia ekarriko dituzte. Bata, herrikoa izango da, Juanjo Elizaldek Maingenea arraultza eta betizu-haragi ekologikoaren berri emanen du. Bestea, Apeztegiberria denda, Orokietako ostatua eta Escape Room-a kudeatzen duen Basaburuako Ernaitzu kooperatiba izango da bere esperientzia kontatuz.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.