Urriaren 28an, mendi irteera antolatu dute Mendibil mendi taldekoek. 09:30ean abiatuko dira Plazatik igandeko erakusketa mikologikorako lehengai bila eta arratsaldean, bildutakoak sailkatzen ariko dira adituak. Parte hartzeko eta ahalik eta perretxiku ikusgarrienak biltzeko deia egiten dute antolatzaileek; beti ere kantitate handiak biltzea ez dela komeni gogoraraziz.
Urriaren 29an, erakusketa mikologikoa ikusteko aukera izanen da Karrapean 11:30etik aurrera, baita, eskolako umeek egindako lanak ere. Haurrentzako tailerrak ez dira faltako eta dastaketa ere antolatu dute.
Giroan sartzeko, herriko komertzianteek beren negozioen atariak udazken kolorez apainduko dituzte eta tabernarien ziza-pintxo gozoak dastatzeko parada izanen da.