Nafarroa osoko 46 jatetxek parte hartu dute lehiaketan, urriaren 6tik 15era eta urriaren 18an eman dituzte sariak. Alhambra jatetxeko Javier Diazek, Nafarroako Jatorriezko Izendapeneko ardoen Kontseilu Erregulatzaileko presidentea den David Palaciosek eta Legasako Arotxa jatetxeko Luismi Lacar sukaldariak osatu dute epaimahaia. Lehenbiziko saritzat, diploma eta Arantza hotelean gau bateko egonaldia irabazi du Alex Mugikak. Sari nagusiaz gain, Sandúa olioarekin egindako kaxuela onenaren saria ere jaso du sukaldari leitzarrak.
Bigarren eta hirugarren sariak Iruñeko Gastrobar Las Migas eta Taberna Cocotte jatetxeek eskuratu dute.
Nafarroako kaxuela txapelketa hirutan irabazteaz gain, 2015ean Euskal Herriko pintxo txapelketa irabazi zuen Mugikak eta iaz Espainiako tapa txapelketan txapeldunorde izan zen.