Eguerdian hasiko da festa. 12:30ean herri kirol saioa izanen da, herriko festetan egin zuten antzeko Goizuetako gazteen arteko desafioa jokatuko baita. 14:00etan, talo jatea eginen da herriko talogileen eskutik; taloa hirugiharra, txistorra, gazta eta txokolatearekin eskainiko da. Sagardoa, ardoa, kafea edo koparik ere ez da faltako.
Arratsaldean, 17:00etan toka txapelketa jokatuko da eta egun osoan trikitilariak ibiliko dira giroa alaituz.
Txartelak
Euskal Jai honetan parte hartu nahi duenak Amaia kafetegian edo Iskibin berean eskuratu ahalko ditu, 16 eurotan. Haurrek 6 euro ordaindu beharko dute.