Leitzako XIII. Talo Eguna goizean goiz hasiko da, 10:00etan azokak ateak irekitzen dituenean. Bertan herriko talogileekin batera, artisauen postuak eta tresneria zaharrak egonen dira ikusgai, baita ostalariek taloa erabiliz egindako plater bereziak ere. 13:00etan eskualdeko talo lehiaketa eginen dute eta 18:00etan lehenengoz antolatu duten irrintzi lehiaketa.
Bi lehiaketetarako izen-ematea egunean bertan egin beharko da, 11:00etatik aurrera Karrapean. Irrintzi lehiaketan bi modalitate egonen dira: gazteak, 14 urtera artekoak, eta helduak, 15 urtetik gorakoak. Gainera, giroan sartzeko, irrintzi lehiaketako parte-hartzaileeikKarrapean bazkaltzeko aukera izanen dute. Talorik goxoenak saria izanen du eta baita irrintzi lehiaketako lehenbiziko hiru sailkatuek ere. Irrintzi lehiaketa bukatutakoan eginen dute bi lehiaketetako sari-banaketa.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.