Korrikalariek hitzordua dute Plazaolan igande honetan, maratoi erdiaren eta maratoiaren aitzakian. Bi probetan iazko ibilbidea errepikatuko dute, hau da, maratoia Lekunberritik abiatuko da eta Andoainen izanen du helmuga. Maratoi erdia egiten dutenek, aldiz, Leitzatik abiatu eta Andoainen plazara arte, 26 kilometroko ibilbidea osatu beharko dute.
Ibilbide osoa Plazaolako Bide Berdean barna eginen dute korrikalariek. Lasterketa hauen bidez, bertako ingurunearen promozioa eta ezagutza ere bultzatu nahi dituzte. Inguruko udalak eta beste hainbat entitate
ari dira elkarlanean eta dortsalen zozketa, alojamenduetako promozioa eta beste zerbitzuen bitartez, inguruan dagoen eskaintzaren berri emanen dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.