Aresoko Mendi Martxak 10. edizioa beteko du irailaren 3an

Aresoko X. Mendi Itzulia antolatzeko bilera egingo dute astearte iluntzean udaletxean.

Antolakuntzako hurrengo bilera abuztuaren 22an izango da 

Iraileko lehenbiziko asteburuan ospatuko da Mendi Martxaren hamargarren edizioa. Aspaldian hasi ziren he­rritarrak antolakuntza lanetan eta dagoeneko azken xehetasunak lo­tzea falta da. Horretarako, abuztuaren 22an iluntzean bilera deitu dute Udaletxean. 

 

Aurretik hainbat lan egin behar badira ere, egunean bertan jende askoren laguntzaren beharra izaten da: aparkalekuak antolatu, ibilbidea markatu, hornidura puntuetan egon, bazkaria pres­tatu... animatu zaitezte!

Aurtengoan ere, 21 kilome­troko luzera eta 1.250 metroko desnibela duen ibilbidea osatu beharko dute parte-hartzaileek. Izen-ema­tea aldez aurretik egin daiteke internet bidez www.mendizmendi.com atarian edo egunean bertan proba hasi baino ordubete lehenago plazan.

Goizeko 8etan Aresoko plazatik abiatuta Ulizar, Urkita, Pagozelai eta Lau Mugarietatik (Guratz) pasatu ondoren Aresora itzuli beharko dute. Bataz beste, 4 edo 5 ordu inguruan bukatu ohi dute proba mendizaleek. Bidean, indarrak hartzeko, edariak eta jakiak ere jarriko dituzte antolatzaileek eta proba bukatzean bazkaria.

 

Izen-ematea

Aurrez izena ematen dutenek, 12 euro ordaindu beharko dituzte eta egunean berean egiten dutenek 15 euro.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun