Ostirale arratsaldean ginkana eta gauean ur festa izango dute
Leitzan, Gozamenez programaren baitan urtero ospatzen duten festa berezia, abuztuaren 4an, ostirale arratsaldean hasiko da aurten: ohiko ur festaz gain, ginkana ere antolatu dute eta. Udaletxeko plazan izanen da ginkana18:00etatik aurrera eta ongi pasatzeaz gain, sariak eskuratzeko aukera ere izanen dute gaztetxoek.
Ur festa berriz, igerilekuan izanen da 22:00etatik aurrera. Alkoholik gabeko festa izanen da, baina gozamenez beteriko gaua: musikarik ez da faltako eta jokoak, bideoak, gaueko murgilaldia uretan, alkoholik gabeko maitasun edabeak... Lagun-arteko giro onean ongi pasatzeko aukera izanen dute beste behin ere.
Leitza, Goizueta, Areso eta Aranoko Gizarte Zerbitzuen Mankomunitateak, Leitzako Udalak, Gozamenez koordinadorak, Nafarroako Gobernuak eta Leitzako kiroldegiak antolatzen dute ekimena.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.