Patata tortilla lehiaketak laugarren edizioa beteko du
Uztailaren 15a Karmengo Amabirjin bezpera da eta 7. Herri afaria eginen dute Goizuetako plazan larunbatean 20:30ean. 21:30ean, garai bateko ohitura galdu gabe, suak piztuko dituzte. Eguraldi txarrarekin Pilota Plazan izanen litzateke afaria. Sagardoa, ardoa, freskagarriak eta bestelakoak Udalak jarriko ditu.
Patata Tortilla lehiaketaren laugarren edizioa ere eginen da, 19:00etatik 20:00etara. Edonork parte hartu dezake, taldeka, binaka edo bakarka. Izena eman daiteke Izkiña tabernan, Umore-Ona Elkartean edo Amaia Kafetegian uztailaren 13ra arte. Udalak emanen ditu patata, tipula eta arraultzeak. Sua, zartaria eta tresneria norberak eraman behar ditu.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!