Iskibi BTT zeharkaldia zortzigarren aldiz eginen da ekainaren 4an Goizuetan

Ttipi-Ttapa 2017ko eka. 2a, 07:42
Bi zirkuitu eder izanen dituzte aukeran txirrindulariek.

30 eta 43 kilometroko ibilbideak izanen dira aukeran

Iskibi kanpinak antolatzen duen BTT zeharkaldiaren zortzigarren edizioa eginen da ekainaren 4ean, igandean. Izen ematea 08:00etan hasiko da eta irteera 09:00etan izango da. Parte hartzeko, Internet bidez eman daiteke izena www.kirolprobak.com webgunean, 12 euro ordainduta federatuek eta 14 euro federatugabeek edo egun berean kanpinean (16 eta 18 euro).

 

Iaz bezala, bi zirkuitu egongo dira aukeran: luzeenak 43 kilometro izanen ditu, 1.360 metroko desnibel akumulatuarekin eta laburrenak 30 kilometro, 1.050 metroko desnibelarekin. Zeharkaldian parte hartu behar dutenek eta lagunek larunbat gauean Iskibi kanpinean doan lo egiteko aukera izanen dute eta proba egunerako 12 euroko menua prestatu dute bertan bazkaldu nahi dutenentzat.

Kaskoa erabiltzea derrigorrezkoa da. Parte-hartzaile guztiak aseguratuak egongo dira, bi abituallamiento gune egongo dira eta bukaeran,  luntxa , opari zozketa,  dutxak eta bizikletak garbitzeko aukera ere izango da. Hori bai, txirrindulari guztiak inskripzio-mahaitik pasa beharko dute, ondoren eginen den opari zozketan parte hartzeko.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun