Ekainaren 8an herri-galdeketa egiteko asmoa dute Goizueta, Arano, Leitza, Areso, Araitz, Betelu, Larraun eta Lekunberrin
Abenduaren 17an, larunbat goizeko 11:30ean Lekunberriko anfiteatroan, Mendialdeko Gure Esku Dagok aurkezpen ekitaldia egingo du. Kristina Urrutia eta Urko Aristi izanen dira aurkezten. Goizueta, Arano, Leitza, Areso, Araitz, Betelu, Larraun eta Lekunberriko hainbat herritar elkartuko dira datozen hilabeteetan dituzten asmoen berri eman eta atxikimendua eskatuz.
Adin, kolore eta ideologietatik haratago joatea da ekimenaren asmoa. Horregatik herritar guztiei bihar egingo den aurkezpenera hurbiltzeko gonbita egiten diete antolatzaileek.
Ekainean zortzi udalerri horietan herri-galdeketa egitea dute helburu, eta horretarako dagoeneko atxikimenduak eta sinadurak biltzen hasiak dira.
Herri-galdeketa burutzeko 16 urtetik gorako biztanleen %10aren sinadurak beharko dira Leitza eta Lekunberriren kasuan, eta %15arenak gainontzeko udalerrietan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.