Partida berdindua joan zen. Lehenbiziko bi tantuak sakez egin zituen bizkaitarrak, 3-6 aurretik jarri zen gero goizuetarra. Sakea berereskuratu eta 7-12 eta 15-18 ere aurretik izan zen Arabiourrutia, baina Salaberriak ez zuen etsi. Lau tanto segidan egin eta 19-18 aurretik jarri zen goizuetarra. Hemeretzina berdindu zuen Abadiñokoak, baina azken hiru tantoak Salaberriak egin zituen.
Guillermo Mazo txapelketa biharamunean
Abenduko lehen asteburua ezin emankorragoa izan zen Iker Salaberriarentzat. Izan ere biharamunean, abenduaren 3an, jubenilei zuzendutako Guillermo Mazo txapelketa irabaztea lortu zuen, Oberenako Matari 18-15 irabazita. Beste goizuetar bat, Aitor Aizkorbek hirugarren posturako lehia galdu zuen, 18-8, Buruzgaingo Gaskueren kontra. Nafarroako lau eta erdiko txapelketa ez ofizialtzat jotzen dute adituek Guillermo Mazo txapelketa.