Horiekin batera, tresna zaharrak eta baserriko zenbait animalia ere plazaratuko dituzte eta txikienek gurdian ibilitzeko aukera izango dute. Villabona eta Saralegi familiek ere ez diote hutsik eginen urteroko hitzorduari eta mota guztietako taloak prestatzen ariko dira goizean eta baita arratsaldean ere, 17:30etik aurrera.
Taloak egiten ikasteko tailerrak ere antolatu dituzte 4 eta 14 urte bitartekoentzat eta eskualdeko talo lehiaketaren zortzigarren edizioa eta pintxo lehiaketa ere izanen dira. 12:00etan herri kirol saioa izanen da plazan (aizkolariak, harrijasotzaileak eta trontzalariak) eta azokan erosketak egiten dituztenen artean zozketak ere eginen dituzte eguerdian