Honela, gaur egungo txapeldun den Aitzol Atutxa izanen da Bizkaiko ordezkari bakarra; Gipuzkoako bortz aizkolari plazaratuko dira: Iñaki Azurmendi, Joseba Otaegi, Jon Irazu, Mikel Larrañaga eta Ugaitz Mugertza; eta Nafarroak lau: Jon Rekondo Salaberria eta Ruben Saralegi Martinikorena leitzarrekin batera, Otsagiko Iker Vicente Saralegi eta Lezaungo Juan Jose Lopez Azpilikueta.
Aizkolariek 54 ontzako bi enbor, 60 ontzako bi enbor eta 72 ontzako bi enbor moztu beharko dituzte. Leitzan lehen sei postuetan sailkatzen diren aizkolariek urriaren 23an bilbon jokatuko den finalean aritzeko txartela lortuko dute.