Segalariak 30 minutuz ariko dira Aiako Andatza auzoko Aristerrazuko belardian ariko dira, ahalik eta belar-kilo gehien ebakitzeko helburuarekin. Txukuntasuna ere aintzat hartuko da. Kanporaketa bakoitzeko lehen bi sailkatuak (lauk denera), abuztuaren 7an jokatuko den finalerako txartela lortuko dute.
Igande goizeko 11:30ean jokatuko den lehen kanporaketan bortz segalari ariko dira: Julen Gabirondo, Iban Pardo, Jokin Etxeberria eta Iñigo Mercader gipuzkoarrak eta Mikel Berekoetxea nafarra. 12:30ean hasiko den bigarren kanporaketan, berriz, Jon Kanflanka leitzarrarekin batera hiru gipuzkoar ariko dira: Igor Esnaola, Suharri Irazustabarrena eta Arkaitz Arteaga.