Ikastaroak, langabezian dauden edo bere lan gaitasunak hobetu nahi dituzten pertsona guztiei zuzenduta daude. Mendialdea Mankomunitateak lan egiten duen esparruko herritarrek parte hartu dezakete: Leitza, Areso, Arano, Goizueta, Betelu, Lekunberri, Larraun...
Lau ikastaro antolatu dituzte eta ikastaroa goizez edo arratsaldez egiteko aukera izanen da. Goizeko saioak 08:00-13:30 artean izanen dira eta arratsaldekoak 15:30-21:00 artean. Lan Arriskuen Prebentzioa Lekunberriko Kultur Etxean eta beste saio guztiak Lekunberriko Keitech enpresan izanen dira.
Ikastaroa moduluetan banatuta dago: Orga jasotzaileen erabilera 82 egun, 11 ordu), Plataforma jasotzaileen erabilera (2 egun, 9 ordu), Garabi Zubiaren erabilera (egun 1, 5 ordu) eta Lan Arriskuen Prebentzioa (2 egun, 8 ordu). Langabetuek ikastaro osoan eman beharko dute izena eta lanean daudenek berriz, moduloka egin ahalko dute formazioa.
Izen-ematea emailez
Izena emateko jcejuelv@navarra.es helbidera idatzi behar da gaian Lekunberriko formakuntza ikastaroa jarriz. Izen-abizenak, telefonoa, ikasketak, esperientzia, goizez edo arratsaldez egin nahi duten eta izena ematen duten moduloa edo ikastaroa idatzi behar da. Zalantzak argitzeko fmartinz@navarra.es helbidera idatz dezake interesa duenak.