Leitzako Udalak otsailean iragarri zuen kirol zerbitzuan aldaketak egin eta norabide berri bat emateko duen asmoa. Horretarako lehen urratsa, zerbitzua zuzenean kudeatzeko Anikote Leitza, S.L. enpresa publikoa sortzeko erabakia hartzea izan zen. Horrekin batera, zerbitzu hori kudeatu eta zuzentzeko gerentea hautatzeko prozesua jarri zuen martxan eta prozesuari apirilaren 29an eman zion bukaera. Proba guztien emaitzak batu eta gero, 92,25 punturekin (100 puntu lortu zitezkeen gehienez) Julen Sagastibeltza geratu zen sailkapeneko lehen postuan.