1979an antolatu zuten lehenbizikoz Leitzan Eskulangile Azoka eta dagoeneko hitzordu garrantzitsua bihurtu da herritar eta bisitarientzat. Aurtengoa 39. edizioa izan da eta ohikoa denez, Euskal Herri osoko artisauek parte hartu dute. Aukeraketa egiteko garaian, zuzeneko erakustaldiak egiten dituztenei tokia egiten saiatzen dira ALKE Altzadi Kultur Taldeko kideak eta hala, besteak beste, egurra lantzeko modu desberdinak ikusteko aukera izan zen.
39. edizioa bete du azokak
Maiatzeko azken igandean, itxura dotorea hartu zuen Leitzako plazak. Kultur Aroaren baitan antolatzen den eskulangileen azokak 39.edizioa bete zuen eta urtero bezalaxe, denetarik ikusi eta erosteko aukera izan zen. 45 eskulangilek hartu zuten parte: antzinako langintzei segida ematen dietenak batzuk, garai berrietara egokitu direnak besteak. Eta momentuan bertan eskulangileak lanean ikusteko aukera ere izan zen.
Erlazionatuak
Leitzako eskulangileen azoka 2016
2016 mai 30 Leitzaldea Leitza
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!