Izen-ematea zabalik dago eta www.kirolprobak.com webgunearen bitartez egin liteke apirilaren 21era arte. Aurrerako bazkideek 8 euro eta bazkide ez direnek 10 euro ordaindu beharko dituzte. Probaren egunean bertan ere izena eman liteke (10 bazkideek eta 15 euro besteek).
Distantziak
Benjaminek 800 metroko ibilbidea osatu beharko dute (orain artekoa) eta gaztetxoek ibilbide berriari itzuli bat eman beharko diote (2250m). Kategoria absolutuan zirkuituari bi edo lau itzuli emateko aukera izanen dute (4.500 m edo 9.000m). Benjaminak 16:30ean abiatuko dira irteeratik, gaztetxoak 17:00etan eta helduak 17:30ean. Bukaeran sari banaketa eta zozketak izanen dira.
Ibilbide berria korrikalariei ezagutzera emateko asmoz, antolatzaileek hitzorduak egin dituzte apirilaren 11 eta 18an, astelehena, 19:00etan Leitzako plazan.