Beraz, lehen mailan binakako hirugarren txapela lortu du Olaizola II.ak gibelean bertze aurrelari bat, Urrutikoetxea lagun duela, 2008an Mendizabal II.rekin eta 2011n Beginorekin lortutakoei gaineratzeko. Binakako hirugarrena ez ezik, profesionaletan lehen mailan hamalaugarren txapela du Aimarrek, lau eta erdiaren barrenean zazpi eta buruz buru kantxa osoan lau lortuak baititu gaurgero. Gaur egun oraindik jokatzen duten pilotarien artean lehen mailako txapel gehien duena da.
Julian Retegi II eratsundarrak hogei txapel lortu zituen (buruz buruko 11, eskuz binaka 5 eta lau eta erdian 4).