Horrela, otsailaren 29an Leitzan, Talde instrumentaleko 120 ikasle elkartu ziren estilo ezberdinetako errepertorioa eskainiz.
Errepertorio aldetik Alaitz eta Maiderren folk tankerako kantuetatik hasi, Vendetta edo The Rolling Stones taldearen doinuekin gozatu ahal izan zuten entzuleek.
Martxoaren lehenengo asteartetik aurrera, Jauntsaratsen akordeoia izan zuten eta egun berean Betelun pianoaren txanda izan zen. Asteazkenean Larraintzarren izan ziren emanaldi guztiak, lehenik trikitixa eta ondoren perkusioa.
Ostegunean berriro Leitzara bueltatuz gitarraren txanda izan zen, eta entzunaldi hauek ostiralean Lekunberrin izan zuten amaiera, txistua, zeharkako xirula eta saxofoiaren emanaldiekin.
Emanaldi guztietan, 7 urtetik gorako 323 ikaslek hartu zuten.