Otsailaren 28an Arrokiagara joanen dira eta martxoaren 19an Korrontzi taldearekin batera emanaldia iragarri dute Leitzako kiroldegian
Otsailaren 28an irteera bat ere antolatu du Leitzako Aurrera dantza taldeak. Arrokiagara joanen dira Zuberoako maskarada bat ikustera. Interesa duen edonor joan liteke, horretarako dantza taldearen zuzendaritzari izena aurretik ematea nahiko da. 12 euro ordaindu beharko dituzte helduek eta 14 urtez azpikoek berriz 6 euro. Autobusa igande goizeko 8etan aterako da. Irteera hau Ortzadar taldearekin batera antolatu dute.
Martxoaren 19an Aurrera eta Korrontzi elkarrekin
Beste aldetik, Leitzako Aurrera dantza taldeko dantzariek, Korrontzi folk musika taldearekin batera ikuskizuna landu dute eta martxoaren 19an Leitzako kiroldegian aurkeztuko dute. Iluntzeko 8etan hasiko da saioa eta sarrera 10 euro ordaindu beharko da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.