Hurrengo hitzordua abenduaren 14an izanen dute Leitzako Erleta eskolan. Genero rolak eta hezkidetzaz hausnarrean hitzaldia eskainiko du Iñigo Aranbarrik astelehen arratsaldeko 5etatik 6:30era Erleta eskolan, Areso eta Leitzako Eskolako Guraso Elkarteak, Areso eta Leitzako Eskolak eta Gizarte Zerbitzuen Mankomunitateak antolatuta.
Antzerkia eta jolasen bidez lan eginen dute. Iñigo Aranbarri da emailea (antropologian lizenziaduna, aktorea eta genero ikasketetan aditua). Gurasoentzako tailer honetan berak aipatuko du taldean zer ikusi duen eta etxean gai hau hemendik aurrera nola lantzen ahal den. Gehien bat familiak ezagutarazteko haien seme-alabekin zer motako lana egiten den eskoletan eta gaiarekin lotutako tresnak ezagutarazteko eta ikasteko.
Horrexegatik 6. mailako familiei zuzendua dago bereziki, baina bestetik, familia guztientzako saioa da, azken finean, adin guztietan honen inguruko dudak eta kezkak sortzen ahal dira eta.