Herriko 40 artistek parte hartzen dute ostiral gaueko 10etan zineman eskainiko duten emanaldi berezian
Herriko hainbat artisten, 40 lagun ingururen, elkarlanaren emaitza da Lau Aro eta Leitza eta Leitzako inguruak dira emanaldiaren ardatz nagusia. «Esperimentu moduko bat» egin dutela azaldu digu Miguel Mari Elosegik, «ikuskizunean argazki mordoa ikusiko da, eta zuzenean musika jarriko diote herriko abeslariek». Azaroaren 27an, ostiral gaueko 10etan estreinatuko dute zineman mimoz landu duten lana. Sarrerak Maimur eta Astiz liburudendetan eskura litezke 8 euroren truke.
Argazkiek Leitzako aurpegi desberdinak erakusten dituzte, plaza, kalea, jendea, mendia, eguraldia, gertakari bereziak, urtean zehar dauzkagun ospakizunak... Bertsolariek narratzaile papera dute, antzezleek girotu egiten dute obra eta musikariek, abeslariek eta dantzariek irudiei dagokien erritmo, giroa, eta doinua jarriko diete. Emaitza definitzen zaila denez, «jaialdi-ikuskizuna» deitu diete beraiek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.