Zirkus Blai taldearen eskutik, larunbat arratsaldeko 7etan, Emakumeenganako Indarkeriaren Kontrako Nazioarteko Egunaren harira
Emakumeenganako Indarkeriaren Kontrako Nazioarteko Egunaren harira, Zirkus Blai taldeak Neskak gara eta zer?? zirko ikuskizuna eskainiko du azaroaren 21ean, larunbat arratsaldeko 7etan Leitzako zineman. Leitza, Goizueta, Areso eta Aranoko Gizarte Zerbitzuen Mankomunitateak antolatu du publiko guzientzako emanaldia eta sartzea debalde izanen da.
Sinopsia
Zapata lantegi bat, 9 emakume lanean, ene, 9 ez, Karola falta da, non dago? Haurdun dagoelako lanetik bota dute... ez dago eskubiderik, hau ezin da onartu.
Batzarra egin eta gero hau erabaki dute langileek: «Lantegia okupatuko dugu eta gure aldarrikapenak defendatuko ditugu». Hau dena klakez, akrobaziez, akroportez, umorez, musikaz, dantzaz eta erritmoz blai.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.