Eguraldi bikainak lagundurik, asko izan ziren baserritarrek eskaintzen zutena ikusi eta erostera bertaratu zirenak. Ekoizleak sasoiko produktuekin dotore jarriak zituzten postuak: sagarrak, azenarioak, intxaurrak, arrautzak, eztia, mota askotako arto eta banabarrak... eta aziendak ere, behiak, ahuntzak, ardiak, pottokak... ez ziren falta izan. Euren produktuak plazara ateratzen zituzten lehenengo aldia zen askorentzat eta ekoizle eta antolatzaileak gustura gelditu ziren jasotako erantzunarekin. Duela 20 urte inguru antolatu zuten azkenekoz Leitzan Baserritarren eguna eta igandeko azokarekin garai bateko giroa berreskuratu zen.
Sasoiko produktuak eskainiz 30 postu inguru jarri zituzten
Aspaldian ez zuen kolore eta bizia hartu zuen azaroaren 15ean Leitzako plazak. Bertako baserritarrei erakusleiho bat eskaintzeko asmoz LeitzEKO kontsumitzaile taldeak antolatu zuen lehengoz azoka. Arkiskil, Erreka, Erasote, Sakulu eta Gorriztarango baserritarrek euren postuak jarri zituzten sasoiko produktuak eskainiz, denera 30 postu inguru. Ikusi argazkiak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun