Sariak, beste aldetik, Partzuergoak berak, sortu zenetik, egindako lana eta izandako pertseberantzia aitortu eta gailentzen ditu; hain zuzen Plazaolako Bide Berdea egokitzeko lanean eta honen proiekzioan eta garapen turistikoan, inguruko udalen onurarako. Azken kontu honekin lotuta, Partzuergoak 2007an AEVV-EGWAk emandako “Garapen eta Turismoa” lehenengo saria ere jaso zuen.
Ekitaldia Valonia-Bruselas-eko lan publiko, osasuna, gizarte soziala eta ondareko ministro eta presidenteordea den Maxime Prevot-ek zuzendu zuen. Saria Partzuergoko presidentea den Natalia Azkonak jaso zuen.
Guztira, 6 sari banatu ziren: 3 Iniziatiba Eredugarriak kategorian eta beste 3 Bikaintasun kategorian.
Gerente Berria
Plazaola Partzuergo Turistikoko gerente titularra den Maitena Ezkutari, Nafarroako Gobernuko Turismo Zuzendari izendatu ondotik, kudeatzailearen ordezkatze lanpostu deialdi publikoa egin zuen irailean.
14 partehartzaile izan ziren deialdian eta, hoien artean, Gustavo Ortiz de Barrón izan zen kalifikazio handiena lortu zuena. Ondorioz, bera izango da denboraldi batez gerentziaren eginkizunak beteko dituena. Gerente berria, urriaren 20an honetan hasi da lanean.