Larunbat goizeko 9etan diana joko dute txistulariek eta ordu berean, BTT Taldeak gidatutako bizikleta martxa ere abiatuko da plazatik. 10:00etan Kirol Jokoen eskutik futbito partidua izanen da plazan. 11:00etan 10 urtetik gorako gaztetxoek bizikleta irteera egiteko aukera izanen dute plazatik abiatuta BTT Taldekoekin. 11:00etatik 13:00etara rokodromoa eta zaldi ibiltariak antolatu dituzte gazteentzat. 11:00etan Aurrerako pilotarien partiduak izanen dira plazan. 12:00etan Aurrerako dantzarien saioa eta 13:00etan Incansables txarangarekin poteoa izanen da herritik. 14:30ean Aurrerako bazkideen bazkaria izanen da karrapean. Ondoren ingurutxoa dantzatuko dute eta gero Inkansables txarangaren erronda eginen da buruhandiekin. Arratsaldean futbol partidua jokatuko du Aurrerak Beti Casedanoren aurka Arkixkil zelaian.
Eguna bukatzeko, 21:30ean luntxa izanen da Aurreran eta gero Joxe Mendizabalen emanaldia.